हामी के गर्छौ

१  राष्ट्रिय खाद्य बैंक आफैले खाद्यान्न, गेडागुडी (दलहन), हरियो तरकारीहरु, फलपूलहरु, केरा, दहि दुध, माछा, मासु, अण्डा, जडिबुटी, चिया, कफी, उखु लगायतका खानेकुराहरु उत्पादन गर्ने । 

२. राष्ट्रिय खाद्य बैंकले आफ्नै माध्यमबाट अध्ययन र अनुसन्धान गन छ । रैथाने जिन (पुराना बालीनालीको विउ विजन) सम्बन्धी खोजतलास गर्ने छ । आधुनिकता अनुसार थोरै ठाउँमा धेरै कसरी उत्पादन गर्न सकिन्छ भनेर अध्याय र अनुसन्धान गरिनुका साथै प्याटेन्ट राइटको 
बारेमा कस्तो अवस्था छ । सबै कुराहरुको थप अध्ययन र अनुसन्धान गरिने छ । 

३. कृषि कार्यमा काम गरिरहेका कृषि कम्पनीहरु प्रा.लि., कृषि सहकारीहरु, सरकारी संघसंस्थाहरु÷गैरसरकारी संघसंस्थाहरु कृषिमा लागेका विभिन्न समूहहरु लगायतका उत्पादन गर्ने काममा लागेका संघ संस्थाहरुसँग सहकार्य गरी अझै धेरै उत्पादन गर्ने गराउने ।

४. सरकारी बाँझो जग्गाहरु, सामुदायिक वनका खाली जग्गाहरु गुठीका जग्गाहरु, खोलाको छेउका बगर जग्गाहरु, विद्युत प्राधिकरणको लाइन मुनिका खाली जग्गाहरु, विभिन्न संघ संस्थाहरुका खाली जग्गाहरु तथा व्यक्तिका बाँझो जग्गाहरु लिजमा लिएर उत्पादनको काम गर्ने । 

५. उत्पादनको काममा लागेका कृषकहरुलाई आवश्यकता पर्ने विउ, मल, कृषि औजारहरु प्राविधिक ज्ञान दिने र उत्पादित खाद्य वस्तुहरु बैंकले नै किनिदिने ग्यारेन्टी लिने । 

६. दुघ, अण्डा, मासु, माछा, कागती, बेसार, अदुवा, लसुन, प्याज, हरियो तरकारी जस्ता खाद्य सामाग्रीहरु देशभित्रै उत्पादन गरी आत्मनिर्भर हुन सकिने भएकोले लगत्तै यो काममा लगाउने र आत्मनिर्भर बनाउने बिस्तारै अरु खाद्यान्न, तरकारी, फलपूलहरुमा आत्मनिर्भर हुने गरी तयारी गरी उत्पादन गर्ने÷गराउने । 

७. इको सिस्टमलाई संरक्षण गर्दै÷वातावरणको संरक्षण गरी गुणस्तरयुक्त खाद्यान्न, तरकारीहरु, फलपूल, माछा, मासु, जडिबुटी, चिया, कफी, अलैची लगायतका सामाग्रीहरु हाम्रो देशमा चाहिने भन्दा बढी उत्पादन गरी विदेशमा बिक्री वितरण गर्ने । 

८. राष्ट्रिय खाद्य बैंकले उत्पादन गरेका गुणस्तरयुक्त खाद्य सामाग्रीहरुको सुरक्षित भण्डार गरी बैंक मार्फत आफ्नै सेल्स डिपो र होम डेलिभरीहरु(Ecommerce  मार्फत बिक्री वितरण गर्ने ।
 
९. उत्पादन गर्ने किसान, उपभोक्ता, लगानी गर्ने शेयर सदस्यहरु र राज्य सबैलाई फाइदा हुने र स्वास्थ्यकर खाद्यान्न प्रमाणित गरी बैंकको ल्याबबाट टेस्ट गरी बजारमा पठाउने भएकोले खाद्य बैंकको उत्पादनहरुबाट मानव जीवनमा रोग लाग्नबाट संरक्षण गर्ने हुनाले आम उपभोक्ताको जन जीवन स्वस्थ रहने छ । हामीलाई बढी भएको सामाग्रीहरु विदेशमा बेचेर विदेशी मुद्रा आर्जन हुनेछ । यो बैंकको न्म्ए मा ठूलो योगदान रहनेछ । 

१०. बेरोजगारीको अवस्थालाई अन्त्य गरी उत्पादन, प्रशोधन, प्याकेजीङ्ग, सुरक्षित भण्डार, बिक्री वितरण सम्म कार्य गर्न धेरै दक्ष तथा सामान्य स्तरसम्मका कर्मचारीहरुद्वारा काम गर्ने भएकाले नेपालमा सबैभन्दा धेरै रोजगारी सृजना गर्ने संस्था यो राष्ट्रिय खाद्य बैंक लि. ले कृषि र टुरिजमलाई जोड्ने काम गर्नेछ । 

११. कृषि सम्बन्धी अध्ययन अुनसन्धान (रिसर्च) गर्ने कामलाई खाद्य बैंकले शुरुदेखि काम गरिरहने छ । कम लागतमा प्रांगारिक मल उत्पादन गरी फुड न्यूट्रेशनको बारेमा ज्ञान दिलाउने । कुन ठाउँमा के कस्तो खेती लगाउन सकिन्छ ? कसरी थोरै ठाउँमा धेरै उत्पादन गर्न सकिन्छ ? हाम्रो रैथाने बिउ बिजनहरु कसरी लोप भए ? खोजी गरिने छ । 

१२. यो खाद्य बैंकले सामाजिक उत्तरदायित्व प्रवाह गरी विभिन्न सामाजिक कार्यहरु गर्नेछ । गरिब निमुखा जनताहरुलाई विभिन्न कार्यक्रम अन्तरगत सहयोग हुनेछ । खाद्य बैंकले नेपाल सरकारसँग सहकार्य गरी नेपाली जनताहरु खान नपाएर मर्नु नपरोस भनेर गतिविधिहरु सन्चालन गरिनेछ । किसाले उत्पादित वस्तुहरुको मूल्य आफैले निर्धारण गर्न पाउनुपर्ने । 

१३. राष्ट्रिय खाद्य बैंकको उद्देश्य अनुसार कृषि पेशालाई मर्यादित र सम्मानित गर्ने । उत्पादन, सुरक्षित भण्डार, बिक्री बितरण, अध्ययन अनुसन्धान लगायतका कामहरु गर्नको लागि अल्पकालिन, मध्यकालिन र दिर्घकालीन बैंकले लिएको योजना अनुसार खाद्यान्नबाट देशलाई आत्मनिर्भर बनाउने महान अभियानमा सहभागी भै अगाडि बढौं ।