Team Details

किशोर कुमार प्रधान

किशोर कुमार प्रधान एक प्रतिष्ठित व्यवसायिक व्यक्तित्व हुन्, जसले नेतृत्व, व्यवस्थापन तथा उद्यम विकासको क्षेत्रमा दीर्घ अनुभव हासिल गर्नुभएको छ। उहाँले फ्रान्सस्थित युरोपियन युनिभर्सिटीबाट ग्लोबल लिडरशिप एण्ड म्यानेजमेन्टमा प्रोफेशनल डक्ट्रोरल सर्टिफिकेट प्राप्त गर्नुभएको छ, जसले व्यवसायिक उत्कृष्टता र रणनीतिक नेतृत्वमा उहाँको अन्तर्राष्ट्रिय प्रतिबद्धतालाई झल्काउँछ। उहाँले नेपाल उद्योग वाणिज्य महासंघ (FNCCI) मा उद्योग तथा वाणिज्यका उपाध्यक्ष (दुई कार्यकाल) का रूपमा कार्य गर्नुभएको छ। हाल उहाँ सोही महासंघको उद्योग तथा वाणिज्य सल्लाहकार टिममा आवद्ध रहि आफ्नो अनुभव र ज्ञानमार्फत योगदान दिइरहनुभएको छ। व्यवसायिक यात्राको क्रममा उहाँले अन्तर्राष्ट्रिय श्रम संगठन (ILO), अन्तर्राष्ट्रिय वित्त निगम (IFC), र विश्व बैंक लगायतका राष्ट्रिय तथा अन्तर्राष्ट्रिय विकास साझेदारहरूसँग सहकार्य गर्दै नीति पैरवी, क्षमता अभिवृद्धि, सीप विकास, तथा सुरक्षा सञ्जाल कार्यक्रमहरूमा सक्रिय भूमिका निर्वाह गर्नुभएको छ। उहाँ हाल नेपाल वायुसेवा निगम (Nepal Airlines Corporation) का संचालक समिति सदस्य (२०२१–२०२५) हुनुहुन्छ, जहाँ उहाँले संस्थाको रणनीतिक निर्णय र सुशासनमा महत्वपूर्ण योगदान पुर्‍याइरहनुभएको छ। उहाँको असाधारण नेतृत्व र योगदानलाई अन्तर्राष्ट्रिय स्तरमा निम्न पुरस्कारहरूले सम्मानित गरेको छः ग्लोबल लिडरशिप एण्ड म्यानेजमेन्ट अवार्ड – २०२४, भारत ग्लोबल लिडरशिप अवार्ड – २०२३, युरोपियन इन्टरनेशनल युनिभर्सिटी ग्लोबल बिजनेस एक्सेलेन्स अवार्ड – २०२४, MSME स्टार्टअप इण्डिया समावेशी विकास, नवीनता र दिगो व्यवसायिक नेतृत्वप्रतिको दृष्टिकोणका साथ, उहाँले नेपालको औद्योगिक र वाणिज्यिक क्षेत्रको उन्नतिमा निरन्तर अग्रणी भूमिका निर्वाह गर्दै आउनुभएको छ। हाल उहाँ राष्ट्रिय खाद्य बैंकका अध्यक्षका रूपमा कार्यरत रहनुहुँदै, बैंकका कार्यहरूलाई पारदर्शी, प्रभावकारी र नतिजामुखी ढंगले अघि बढाइरहनुभएको छ।

• 9852020628
• pradhankishork@gmail.com
• Saptari, rajbiraj, Nepal